نصائح لمجاهدين حرب القات:)

بواسطة Dory Aleryani بتاريخ الجمعة، 27 يوليو، 2012 | 4:49 م


إذا فكرت في محاربة القات انصحك بقراءة هذا أولاً!

خليط مصري يمني للي دمهم خفيف نوعاً ما!

عزيزي محارب القات ، فكرت أن اكتب هذه النصائح للجيل الحالي والأجيال القادمة على إعتبار أن الآفه ستستمر بعد موتنا، هذا إذا إفترضنا أن الفقر بسبب أراضي القات الزراعية  لم ينهي كل الشعب  بعد جيلين بالكثير!

عزيزي محارب القات أول شي ستواجهه عند محاربتك للقات هذه الجمل:

1-      "القات أحسن من المخدرات ياماسوني"
أنت يابني أكيد أكيد بتحارب القات عشان تنفذ خطة ماسونيه في إدخال المخدرات للبلد..أيوه أيوه كشفناك! أول ما يقولولك الجمله هذي ذكرهم بسرعة أن في حملات ضد المخدرات ، يعني في مخدرات يا جدعان أصلا من قبل ما أفكر أنفذ خطتي الماسونية!ذكرهم كمان أن في حبوب بيتعاطوها وقت القات عشان المزاج يكون مركز..وياريت كمان تذكرهم أن المخدرات في الدول الثانيه اللي بيتعاطاها يا يتسجن يا يتعالج..وبتأثر على المتعاطي فقط..ولكن القات اللعين بيأثر على البلد إقتصاديا وزراعياً وفي المياه الجوفيه وفي التربه وفي التصدير.."ملحوظه آخر جمله توقع أنك حتعيدها باليوم مئة مره فالأحسن تسجلها بكاست وتفتح الكاست عشان صحتك، ولو بتكتب في الفايس بوك وتويتر يبقا أغملها Copy..ولما حد يتفلسف أعمل Paste أحسن مايحصلك زي اللي قبلك اللي خسروا 10 كيلوا وهم بيكرروا الجمله دي مع الإحصائيات الدولية اللي طبعا عمر محبي القات ما حيقروها لو عملت المستحيل!

2-      ثاني جملة حتسمعها"أنت بتدور على شهره على حساب الفقراء يامجرم"طبعاً هنا أنت حيجيك صدمه أول حاجه حتفرح شوية أنك أكتشفت أنك مشهور وماكنتش واخد بالك ..ثاني صدمه أن أنت كنت ناسي الشهره في خضم التفكير بمأساة القات ليل نهار ..ويمكن صحتك راحت وحياتك الإجتماعية أنتهت بسبب حربك مع القات ..يمكن جملتهم تلخبطك..تحس بالفرحه في نفس الوقت تحس أن في حاجه غريبه في صدرك""..قلبي قلبي.".حتحس بدوخه..وإن أنت مقارب على الإغماء..وإن نفسك تقتل الشخص اللي بيشكك في وطنيتك..إنتبه..لا تنفعل..القتل حيوديك السجن والحرب تنجح لصالح القات ...لا تنجر وراء الردود..إعمل نفسك ميت..وطنش!!

3-      ثالث جملة:" القات هو اللي بيهون على الشعب مأساته ..الشعب بيخزن عشان ينسى.."
       آه يا مفتري ياللي عايز تنغص عالشعب إنبساطه..ليه هاه؟؟قوول ليه يا حقووود؟ طبعا حيطلعوك أنت الشرير المفتري اللي بتحارب القات ، ويطلبوا منك تطنش القات وتخلي الناس تموت جوع وتبيع اللي وراها واللي قدامها عشان القات المقدس والكيف والساعة السليمانية..كيف تتجرأ وتفكر أنك تنغص عالناس لحظات الساعة السليمانيه والتخدير؟..يا مجرم يا مفتري..إعمل نفسك عبيط برضوا وقلهم ايوه صح خلي الشعب يتخدر لغاية مايموت وهو قاعد في جلسة قات..أكيد أكيد آلهة القات المقدسه حتدخله الجنة..قولها كذه بجديه عشان يحسوا بغباءهم..أيوه بالضبط كذهJ


4-      حتلاقي حد بينط فجأة ويقولك"أنت اللي بتشوه صورة اليمن يا رأفت" وحتسمع صوت مسلسل رأفت الهجان في الخلفيه...طبعا انت حتبلم شويه وحتحاول تستوعب موضوع أن محاربة القات هي اللي تشوه اليمن وإن موضوع مضغ القات هو اللي بيصلح صورة اليمن..حتحاول تفهم كيف أنت السبب في موضوع تشويه صورة اليمن أنت يادوب جيت من كم شهر تحارب القات وأصلا الشعب بيتهزأ من سنين بسبب القات من قبل ما تتولد..طبعا حتبتدي تشك بنفسك وتحس أنك مسير من قبل خطه ماسوصهيونيه لتشويه صورة اليمن..لا لا ..كل الأفكار الغريبه اللي حتيجي في مخك طنشها..ردك عشان تجلطهم أنك تقول"خلاص تمام مش حنتكلم عن القات عشان سمعة اليمن ولما نشوف صور المخزنين في التلفزيون نقنع نفسنا أن الصور في الصومال السعيد" وخلاص كذه غالباً هما بعد الجمله هذي حيهاجروا للصومال وتخلص منهم!

5-      في ناس حتقولك جمله غريبة عجيبة"لماذا لا نصدر القات ونكسب الملايين"..طبعا أنت حتجيلك هيسترية ضحك..الجماعة مش مستوعبين أن القات ممنوع في أغلب دول العالم بإعتباره مخدر.غير أن التهريب الصومال السعيد اشطر مننا فيه وبيصدروا قات "بالتهريب " للخارج..أحسن رد تقوله"صح يا عبدالسميع يالله نصدر القات للخارج.وخلي عبدالسميع يهرب القات وبلغ عليه في المطار" وبكذه تكون حبست عبدالسميع وخليته عبره وعظه لكل من يفكر في تصدير القات للخارج..الصبر من عندك يا رب!

6-      في ناس حتقولك "طيب إحنا ذنبنا إيه..إحنا بنكره القات موت جدا جدا بس الحكومة الشريره مش بتتحرك ولا بتجيبلنا بدائل" ..ماتصدقش الكلام هذا..طبعا  بيضحكوا على نفسهم قبل ما يضحكوا عليك..وأصلا لو الحكومة فكرت تمنعهم حيقتلوا أعضاء الحكومة فرداً فرداً ..أما البدائل فقولهم ياريت تخليكم مع أولادكم تذاكرولهم شويه بدل ماهم مرميين بالشوارع وأنت والمدام بتتسلوا بمقايل القات! وحاول تذكرهم أن في حديقه"طبعا بيروحوها يخزنوا قات" وإن في شاطئ للمدن اللي فيها شواطئ"برضوا وسخوها بالقات"..ذكرهم بأن في مقاهي..وفي بيت تقرأ فيه كتاب"..بس كله مش حينفع في الأخير..لذلك أختصر وقول"طيب طالما بتكرهوا القات موت يالله نسممه"مع أنه مسموم أصلاً" " وشوف رد فعلهم لما تجيب السم وتحطه عالقات..لو فعلا بيكرهوا القات بس غصبا عنهم بيمضغوه كل يوم إذاً حيسبوك تسممه ..لو إتهوروا و قتلوك"غالبا هذا اللي حيحصل"  يبقى كانوا بيكذبوا وأهو كسبت أجر وثواب أنك شهيد القات!

نصيحه"قبل ما تموت لازم تكتب نصائح عشان الشخص اللي حيحارب القات من بعدك..أوعى تنسى"

محبتي،
عدوة القات الأولى: هند الإرياني


6 32 التعليقات:

الحميقاني يقول...

هههههههههههه احلى نـــــــصـــــائـح

mamood85 يقول...

بارك الله فيك ياهند اليمن والله ان نساء اليمن صرن اعضم من الرجال في وطنيتهم والتفكير بالمستقبل ومحاربة الفساد وكل هذا سببه القات الذي قيد ضمائرهم واستولى على هوى انفسهم وما هو مقرف ومؤلم انهم يرون انفسهم متحضرين وعلى صواب
اسال الله ان ينفع بك اجيال اليمن القادمه
امضي على بركة الله ولا تستعجلي عن ثمراتك

Fares يقول...

لا للقات، نعم لليمن.

ali alttam يقول...

الله يعينكم وينصركم على افة القات انها اكبر واخطر عدو لليمن واليمنيين

Unknown يقول...

كلنا أعداء هذه النبته الخبيثة

saad يقول...

آجتماع حسن نصر الشيطان بالصهاينة تعاونهم ضد فلسطين

www.youtube.com/watch?v=dlYrp5taLhU

www.youtube.com/watch?v=rCJ8-HXeHdA

فيديو سيصدم الكثير و يكشف حقيقة الشيعة وكذبهم

إرسال تعليق